هو اكيد كل عام و انتو بالف خير بمناسبة العيد
بس لازم احكي لأني رح افقع اذا ما حكيت
بما انو العيد بيجي علينا و احنا ( على رأي ابو محجوب) نعبد الماضي و نعيش في الخرافة و نقدس التخلف و ننبذ التغيير
فلازم يصير فينا هيك و اكتر من هيك ،
و الامة في الكاريكاتير بيتذكرني بنكتة اسرائيلية قديمة عن العرب
انهم دايما بيدعوا الله يحللهم المشكلة
فمرة عربي لقي المصباح السحري حكه طلعلو المارد ، شبيك لبيك عبدك بين اديك ، قلو بدي اربح مليونين دولار باليانصيب ، قلو المارد حاضر
ثاني يوم بيفتح بالجريدة هالزلمة الغانم هادا ما لقيش اسمو فيها حك المصباح مرة تانية و قال للمارد ليش ما ربحتني
قلو المارد طب يا زلمة بالاول اشتريلك تذكرة

و هاي حالتنا هيك بالزبط ، بندعوا الله ليل نهار و احنا ما عاملين شي

و كل عام و انتو بخير